Hindi lang sa comedy at acting magaling si Awra Briguela, pati sa beauty pageant stage, bonggang-bongga rin!  Sa unang pagkakataon, sumabak si Awra sa mundo ng pageantry sa “Hiyas ng Silangan 2025” na ginanap sa University of the East, Manila, at agad siyang nakamit ang titulong First Runner-Up. Impressive, ‘di ba? Lalo na’t tatlong araw lang daw ang kanyang naging preparasyon bago ang competition!

Sa kanyang heartfelt post sa Instagram, ibinahagi ng “Ang Probinsyano” star ang kanyang tuwa at pagmamalaki sa achievement na ito.

“1st runner up for a first timer, not bad at all. I couldn’t be prouder of myself, knowing I only had three days to prepare for this pageant,” ani Awra.

Hindi lang ganda at confidence ang bitbit ni Awra sa entablado. Ipinaglaban din niya ang kanyang advocacy laban sa bullying, na hango mismo sa mga pinagdaanan niya bilang public figure. Ayon sa kanya, gusto niyang maging inspirasyon sa mga kabataang nawawalan ng tiwala sa sarili dahil sa pang-aalipusta.

“Gusto kong ipakita na walang mali sa pagiging totoo sa sarili. Hindi mo kailangang itago kung sino ka, kasi doon ka lalong sisikat at lalong mararating ang pangarap mo,” dagdag pa niya sa isang panayam.

Ramdam naman ang support at pagmamahal ng mga fans at kapwa celebrities kay Awra. Bumuhos ang papuri sa social media — mula sa kanyang fierce walk, pak na pak na gown, hanggang sa kanyang confident Q&A performance. Marami ang nagsabing si Awra ay tunay na embodiment ng self-love at empowerment.

Mula sa pagiging child wonder ng “Ang Probinsyano” hanggang sa pagiging isa sa mga most talked-about personalities sa showbiz ngayon, patuloy na pinapatunayan ni Awra Briguela na walang makakapigil sa taong may talento, tapang, at puso.

At kung ganito na agad ang performance niya sa first-ever pageant, aba, mukhang may bagong beauty queen na dapat abangan sa showbiz!