CHARLOTTE — Hindi nag-aatubili si Pangulo Donald Trump sa kanyang panawagan para sa pinakamabigat na parusa (death penalthy) laban sa suspek na inakusahan ng pagpatay sa isang 23-anyos na babaeng Ukrainian sa isang tren sa Charlotte, U.S.

Ayon sa ulat, nangyari ang trahedya nang ang biktima ay nasaksak sa loob ng tren, na ikinagalit at ikinabahala ng publiko. Agad na sumiklab ang pambansang at pandaigdigang pansin sa kaso dahil sa tindi at kabangisan ng krimen.

Sa kanyang pahayag, iginiit ni Trump na nararapat lamang ang death penalty para sa akusado dahil sa bigat ng nagawang krimen. Binanggit niya na ang ganitong uri ng krimen ay walang kapatawaran at dapat ipakita ng batas ang pinakamahigpit na hustisya.

Ang kaso ay patuloy na iniimbestigahan ng mga awtoridad habang pinananatili ang mataas na seguridad sa mga lugar na kaugnay nito. Marami ang nanawagan na mabilisang maparusahan ang suspek, lalo na’t nagdulot ang insidente ng takot at pagkabigla sa mga pasahero ng tren at sa lokal na komunidad.

Ang panawagan ni Trump ay nagdulot ng iba’t ibang reaksyon, mula sa suporta ng ilang sektor na naniniwala sa mabigat na parusa, hanggang sa mga grupo na nagtataas ng usapin tungkol sa karapatang pantao at hustisyang makatao. (Larawan: The White House / Google)